اعرف وش ناقص في منتجاتك، وصلّحه.
WELAYO يشوف متجرك في سلة كامل، مو منتج منتج: الأسماء المكررة بين المنتجات، والمنتجات اللي في تصنيف ما يناسبها، والخيارات المعكوسة، والأوصاف الناقصة. وبعدها يرتب لك وش تصلّح أول، حسب أثره على متجرك.
مجاني خلال التجربة · ما يعدّل أي منتج إلا بموافقتك، وتقدر تتراجع
كل منتج ياخذ درجة من 100، وكل مشكلة معها حلّها
ما نكتفي بقول «الوصف ضعيف». نقولك وش المشكلة بالضبط في كل منتج، وكم نقطة بترفع درجة متجرك لو صلحتها.
أسماء المنتجات
الأسماء العامة أو القصيرة أو المكررة اللي تخلي العميل ومحركات البحث ما يفرقون بين منتجاتك.
الأوصاف
المنتجات بدون وصف، والأوصاف القصيرة، والأوصاف اللي هي جدول مقاسات ملصوق بدل نص يشرح المنتج.
التصنيفات
المنتجات بدون تصنيف، والمنتجات اللي في قسم ما يناسبها، فما يلقاها العميل وهو يتصفح.
خيارات المنتج
الخيارات المعكوسة والمكررة اللي تربك العميل وتسبب طلبات بمقاس أو لون غلط.
الصور
المنتجات بدون صور، أو بصورة وحدة بس، لأن العميل يبي يشوف المنتج من أكثر من زاوية قبل ما يشتري.
رمز المنتج والسعر
المنتجات بدون رمز SKU أو بدون سعر، وهذي أساس إدارة المخزون وربط المتجر بالمنصات الثانية.
ثلاث خطوات، وكلها داخل لوحة سلة
ثبّت WELAYO من سلة
التطبيق يفتح داخل لوحة تحكم متجرك، ويتعرف على متجرك تلقائيًا. تسجّل بيانات نشاطك مرة وحدة، ونراجعها ونفعّل حسابك.
نحلل منتجاتك تلقائيًا
نسحب منتجاتك ونحللها، وأي منتج تضيفه أو تعدّله في سلة يتحدّث عندنا خلال ثواني.
صلّح الأهم أول، بالجملة
المنتجات الأكثر مبيعًا اللي تحتاج تحسين تطلع أول. وتقدر تصلّح التصنيفات وجداول المقاسات وSEO والأسماء المكررة دفعة وحدة: تشوف قبل وبعد، وتأكد، ونطبّق.
متجرك تحت إدارتك
ما نعدّل شي بدون موافقتك
نقرأ المنتجات عشان نحللها. ما نغيّر منتج إلا لما توافق على إصلاح محدد، ونغيّر الحقول اللي عرضناها لك بس. نحفظ القيم الأصلية، وتقدر تتراجع بضغطة.
ربط آمن مع سلة
نتصل بمتجرك عن طريق ربط سلة الرسمي، ونتأكد من هوية المتجر في كل مرة تفتح فيها التطبيق. ومفاتيح الربط محفوظة عندنا مشفّرة.
الدرجة تقيس المعلومات، مو المنتج
درجة WELAYO تقيس اكتمال معلومات المنتج ووضوحها للعميل، ما تحكم على جودة المنتج نفسه.
الإطلاق التجريبي: 5 متاجر بس
نختار 5 متاجر على سلة يجربون WELAYO مجانًا خلال فترة الإطلاق التجريبي. وبالمقابل نسمع ملاحظاتكم ونطوّر التطبيق عليها.
- متجر نشط على سلة، فيه من 20 إلى 300 منتج تقريبًا.
- سجل تجاري أو وثيقة عمل حر.
- نسعد لو كان مجالك أزياء أو عبايات أو ملابس أطفال، لكن الفحص يشتغل مع كل المنتجات.
قبل ما تبدأ
كم يكلف WELAYO؟
مجاني خلال الإطلاق التجريبي. نحدد الباقات والأسعار بعد ما نسمع ملاحظات التجار الأوائل.
هل يعدّل WELAYO منتجاتي؟
بس إذا طلبت. WELAYO يقرأ منتجاتك ويحللها، وإذا اخترت إصلاحًا جماعيًا (نقل للتصنيف المناسب، ترتيب جدول المقاسات، تعبئة SEO، أو إعادة تسمية المكرر) نعرض لك قبل وبعد، وما نطبّق إلا بعد تأكيدك. وتقدر تتراجع عن أي إصلاح من سجل الإصلاحات.
وش الفرق بينه وبين تقييم جودة المحتوى في سلة؟
تقييم سلة يعطي كل منتج درجة لحاله، ويقترح وصفًا جديدًا بالذكاء الاصطناعي، وهو متاح للباقات المدفوعة. WELAYO يشوف متجرك كامل: يكتشف الأسماء المكررة بين المنتجات، والمنتجات اللي في تصنيف ما يناسبها، والخيارات المعكوسة، ويعيد بناء جداول المقاسات. والاثنين يكملون بعض.
هل يشتغل مع زد أو منصات ثانية؟
حاليًا مع سلة فقط.